Suprabhat Saurashtra
Breaking News
ભાવનગર

20 વર્ષથી અલંગથી ત્રાપજના સાત કિલોમીટરના વિસ્તારમાં 1000 ખાડામાં ગેરકાયદેસર રીતે વેપાર

સમગ્ર વિશ્વમાં ગણમાન્ય અલંગ શિપબ્રેકિંગ યાર્ડના અપગ્રેડેશન માટે કેન્દ્ર અને રાજ્ય સરકાર પ્રવૃત્ત છે, પરંતુ છેલ્લા 20 વર્ષથી અલંગથી ત્રાપજ સુધીના 7 કિ.મી. વિસ્તારમાં આવેલી 1000થી વધુ દુકાનો (ખાડાઓ) ગેરકાયદે ધમધમી રહ્યા છે, અને આગ લાગવાના સતત બનાવો બની રહ્યા છે છતા તંત્ર દ્વારા આંખ આડા કાન કરવામાં આવી રહ્યા છે.
અલંગમાં ભંગાવવા માટે આવતા જહાજોમાંથી નિકળતા ફર્નિચર, ઓઇલ, સ્ટીલ, ક્રોકરી, ઇલેકટ્રિક સામાન, મશિનરી, જનરેટરો, હોડીઓ, વાયર, કલર સહિતના સામાનોના છુટક તથા જથ્થાબંધ વેચાણ માટે અલંગથી ત્રાપજ સુધીના 7 કિ.મી.માં 1000 ખાડા આવેલા છે. અને આ પૈકી મોટાભાગના ખેતીની જમીનોને વ્યાવસાયિક હેતુમાં તબદીલ કર્યા વિના, ગૌચરની અને સરકારી પડતર જમીનો પર ખડકી દેવામાં આવ્યા છે.
ઉપરાંત 50થી વધુ ખાડામાં જહાજમાંથી નિકળતા જ્વલનશિલ પદાર્થોના અને મીની ઓઇલ ફેક્ટરીઓ છે છતા ફાયરના નિયમોની ઐસીતૈસી કરવામાં આવી રહી છે, અને તંત્ર તંદ્રાવસ્થામાં ગરકાવ છે. બીજી તરફ અલંગ નોટિફાઇડ એરિયા ઓથોરિટી અને રાજ્ય સરકાર વચ્ચે અલંગની બહારની બાજુએ આવેલા ખાડાના વ્યાવસાયિક એકમોને ફાયર એન.ઓ.સી. કોણ પાઠવશે તેના અંગે પણ અસમંજસતાઓ પ્રવર્તિ રહી છે, અને બાબત અનિર્ણાયક છે. આમ તમામ સરકારી કારણોસર હજુ 7 કિ.મી.માં ખાડા છેલ્લા 20 વર્ષથી ગેરકાયદે ધમધમી રહ્યા છે.
અલંગથી ત્રાપજની વચ્ચે 7 કિ.મી.ના વિસ્તારમાં 1000 જેટલા ખાડા ધમધમી રહ્યા છે, અને કરોડો રૂપિયાનું ટર્નઓવર ધરાવે છે. સરકારી જીએસટી નંબર, ઇલેકટ્રિસિટી કનેકશન સહિતની પ્રક્રિયાઓ પણ જમીનની કાયદેસરતા ચકાસ્યા વિના ધાબડી દેવામાં આવેલા છે.

संबंधित पोस्ट

બુધેલ ગામના અનેક પ્રશ્નોને લઈને રજૂઆત કરાઇ

suprabhatsaurashtra

મહિલાઓની સુરક્ષા અને સલામતી માટે પ્રતિબદ્ધ બોટાદ જિલ્લા પોલીસ કુલ-૪૫૦૦ મહિલાઓને અપાઇ જુડો-કરાટેની તાલીમ

suprabhatsaurashtra

તા.૨૪ માર્ચના રોજ જિલ્લા કક્ષાનો સ્વાગત-ફરિયાદ નિવારણ કાર્યક્રમ યોજાશે

suprabhatsaurashtra

બોટાદ જિલ્લા પોલીસ દ્વારા અમલમાં સંવેદના એક અભિયાન પાર્ટ-૨ અંતર્ગત ગુડ- ટચ , બેડ ટચ , સાયબર ક્રાઇમ, નો – ડ્રગ્સ તેમજ હેલ્પલાઇનની સમજૂતી આપી બાળકોની સુરક્ષા અને સલામતી માટે યોજવામાં આવ્યો કાર્યક્ર્મ.

suprabhatsaurashtra

દામનગરમાં આવેલ કબ્રસ્તાનમાં શોટ સર્કિટને કારણે લાગી આગ

suprabhatsaurashtra

ભાવનગર શહેરની કનેક્ટિવિટી વધારવા 21.60 કિલોમીટરનો રિંગ રોડ નિર્માણ પામશે, બજેટમાં સરકારે 297 કરોડ ફાળવ્યાં

suprabhatsaurashtra